Vuáđusyemmiliih nuorah - Jiečânávt jurdâččeijeeh

Vuáđusyemmiliih nuorah lii syemmilâš konservativlâš, aalmugmielâsâš já populistlâš poolitlâš nuorâiornijdâh. Vuáđusyemmilij nuorâi saavâjođetteijee lii Samuli Voutila (samuli.voutila[at]ps-nuoret.fi) Kuopiost já váldučällen tuáimá Tony Leppäkoski (sihteeri[at]ps-nuoret.fi) Helsigist.

Vuáđusyemmilijd nuoráid konservativlâšvuotâ já aalmugmielâsâšvuotâ uáivildeh pajemužžân viestâreennâmlii demokratiaidea tuárjum, áinoošlajâsii syemmilii aalmugidentitet kunnijâttem já viggâmuš uđâdiđ tave-eennâmlii pyereestvaijeemstaatâ. Vuáđusyemmilij nuorâi uáinust populism lii juurdâ, mii tuáimá aalmug pyerrin aalmugjesânij vuolgâsaajeest já vuástálist korruptio, lijgebyrokratia já eeliit hiäđui ovdedem. Maaŋgâkultturlâšvuotân páguttem syemmilij já viestâreennâmlii kulttur kuástádâssáin ij lah mii mielâst meendu kuhás smiettum juurdâ.

Vuáđusyemmiliih Nuorah tuárjuh rijjâ já tuáimee markkânruttâtuálu já irâttem, mii šoddâd jáválâšvuođâ já pyereestvaijeem táválij aalmugjesânij várás. Jáválâšvuotâ ij kuittâg alnees lah ulmen, mut tuše vyehi ovdediđ olmooškode já olmoošlâšvuođâ. Europ tääsist Vuáđusyemmiliih nuorah tuárjuh jiečânâs já jiešráđálijd aalmugstaatâid já vuástálist europlii littostaatâovdánem. Vuáđusyemmiliih nuorah láá European Young Conservatives jeessânornijdâh.

Perussuomalaiset Nuoret
Pihlajatie 19
00270 Helsinki

Miärádâsâid kalga toohâđ vyellin pajaskulij – Aalmug tiätá, mii sijjân lii pyeremus
Demokratia lii aalmugväldi – Čielgâ ij europlii littostaatân
Irâttâssáid pyerebeh toimâmmáhđulâšvuođah – Viro miäldásâš viärumyenster meiddei Suomân
Valjimrijjâvuotâ kielâuápuin – Muulsâiävtuh páágu sajan
Aalmuglâškulttur lii tiivrâs – Mij vuástálistep ideologisii maaŋgâkultturism
Eennâmvärrejeijeeh kalgeh vuáháduđ Suomân – Enâmist eennâm taavij mield
Patâreijeepolitik oornigân – Olmâ patâreijeeh kijtteh, ko puástu vuáđustâlmijguin puáttám torvosajeocceeh vuolgâttuvvojeh maasâd
Nanosub vyevih rikolâšvuođâ estimân – Uhre sajaduv kalga pyerediđ
Jyehi eennâmvärrejeijee tuáváá kalga tutkâđ – Mij ep tuhhit eellimtäsishoppaastâllâm
Luándu lii kulttur uási – Pyeremusah puátuseh šaddeh pišteváin oovdedmáin
Jiärmálâš kuávlupolitik – Kaavpugeh já meccikuávlu tarbâšuvvojeh kuábbááh-uv
Sänirijjâvuođâst mij ep tigguu – Tiäđu já tom jođettem kalga leđe rijjâ
Suhâpuolvâi koskâsâš täsiárvu – tave-eennâmlii kultturäärbi uási
Viärutmist ij lah alnees árvu – Ollâgis viäruh hettejeh ruttâtuálu já táválijd aalmugjesânijd
Pargoi porgâmist šaddee uálgikoloid kalga kepidiđ – Pargoi porgâmist já poorgâtmist ij koolgâ ráŋgášiđ
Škovlim kalga uđâsmittiđ – Juáhážân jieijâs škovlim miäldásâš pargo
Uápputorjuu kalga čoonnâđ eellimtäsi-indeksân – Škuávlejum ulmuuh láá mii eennâm puátteevuotâ
Staatâ stivrim ovdedemiše kalga joskâđ – Ovdedemenâmij rááhtusliih čuolmah iä čovduu viestârenâmij staatâi adalduvâin